لا لمح زولك خفق خفقة عن الباقي غريبة
تنتشي عيني فرح بك وأنت عن حالي مَاتدري
حتى أنا مدري ولكن! أشعر لطلتك هيبة
أكتبك القوافي وأتسمى حبيبه
وتتعلّق بك عيوني لين أشوف الزول يسري
واتبعك في ناظري وأقول : ياربي تجيبه
أكتبك القوافي وأتسمى حبيبه
فزتي لك طيش مدري حب مدري حس فطري
الوكاد انك نهبت القلب من صدري نهيبة
يعني وش أكثر من إني لا لمحتك فز عمري
وصار يوم اللي أشوفك عيد عندي واحتفي بة
أكتبك القوافي وأتسمى حبيبه
يوم أشوفك,, أحفظ التاريخ ميلادي وهجري
وارسم لعين المحبة قلب به سهمٍ يصيبه
و أتهجى كلمة ( ا ح ب ك ) وأغنيها بشعري
وأكتبك بين القوافي وأتسمى لك حبيبه
من كثر ما أسعى لوصلك , اذكر انه كان نذري
لو يجي والله لاجي له لين أصير أقرب قريبة
ومن عقب ذاك التمني عاضني ربي بصبري
وجيت تشكي لي جروح الود والشوق ولهيبة
نذري أوفيته.. وفي قلبك علا شأني وقدري
نلت وصلك ياحبيبي طيب.. ولا بالغصيبة!
ما أمداني أشربك واروي ضما روحي وعمري
ما دريت إلا أنت مقفى تلعن الحب وتعيبه
أكتبك القوافي وأتسمى حبيبه
كيف يقوى قلبك القاسي على صدي وهجري
وأنت تدري في ليالي عمري بدونك كئيبة
من بعد عينك ترى صار ألبكا لا لليل يغري
والليالي ترتدي ثوب الألم وتشق جيبه
كل دمعة تنحدر تكتب على الخدين ( بدري )
إيه بدري لاتروح القلب دونك ويش أبي به
باسألك وشلون تسفه قلب وانته فيه تجري
وأنت تدري من بعادك دقته صارت صعيبة
إن تماديت بجفاك.. بتنقل عظامي لقبري
صدتك عني تبرهن لي على إن للحظ خيبة
أسالك بالله إن صدقت أو كذّبت عذري
لاتزيد الهم في قلبٍ به جروحٍ عطيبة
أكتبك القوافي وأتسمى حبيبه
آه لو تدري وش اللي علي بالبال يطري
لا طرالي قلبك وحبٍ تذكرته بطيبه
يختنق دمعي بعيني وقلبي اللي وسط صدري
يرتجي وصلك .. وصارت دقته دقة غريبة
ليست هناك تعليقات:
إرسال تعليق