لاا تحط بيدي الشمس واحلامي بيد
ولاتهيج على الفقير جروحه
ولاتكلي بيسرك وعسرك اعيش
وانته قصرك للسما يمد روحه
عوفني بحالي تراني بليه ايد
وانته شباجك زوحل مالوحه
شلون ماتدري حلم جرح الفقير
ما تشوف احلامه كد اجروحه
روحي مذبوحه ذبح وتريد اطير
منين اليه الحظ ويطير المذبوحه
لاتائملني بحجي ماجاسه ضيم
جفي دك بوب السمه المفتوحه
وحظي دك اثبات بجناح الفقير
لايصعده ولاينزل اسطوحه
انته بعدك مانمت فوك الحصير
وغمست لكمت ملح بملوحه
ولا تلامسني بطرف صبعك اذوب
اني من دم ولحم مو لوحه
ولاتمر جحني برمش عينك اخاف
اني ما شايف رمش مرجوحه
ولاتكلي تمرجح شمالك تخاف
جنت اريدك بلسما توديني
بس اخاف ينكطع رمشك واطيح
وباجر تكلي طحت من عيني
خلني راضي بفقري وانته ارضه بغناك
وعوف عيسى بدينه واني بديني
ولو خلاني الوكت بعت الحاف
يعني هسه بكيفي امد رجليني
ولاكن ادري بدربي عن دربك بعيد
ومن الزغر هذا الفرق بجاني
انته دفاك الثلج عن لاتموت
واني ميت والثلج دفاني
ولنته كاروك الذهب ماكفه بيك
واني كاروك الكصب كفاني
وحتى لا احلم ومد جفي لسماك
واني واربعه كمطو ذرعاني
وعن محبتك والله ماشدني الحديد
هذا رمشك ياترف شداني
والله احبك من زغر بس ماحجيت
جنت اريدك تنسعد وي ثاني
ومن اجيت بلهفتك تسأل عليه
كلبي كله تمرجح بشرياني
وتالي من غصبن عليه كتلك نسيت
وروح دورلك محب وانساني
توسلت بلساني يحجيه وتروح
ومن رحت عني كطعت الساني
اني كتلك لاتجي وجيه ما اجيت
راحت ابابك تدك بيباني
ليست هناك تعليقات:
إرسال تعليق